"Türk və yunan xalqları dostdur" - Miçotakis

Yunanıstanın Baş naziri Kiryakos Mitsotakis Kahramanmaraşda baş verən dağıdıcı zəlzələlərdən sonra Türkiyəyə göndərilən Yunanıstan Təcili Müdaxilə Qrupuna (EMAK) təşəkkür edib.

Busaat.az xəbər verir ki, EMAK-ın zəlzələ bölgələrindəki işlərinə toxunan Kiryakos Mitsotakis bildirib:

“EMAK üzvlərinə çox təşəkkür edirəm. Üçü uşaq, biri 20 yaşlı qız və biri 50 yaşlı kişi olmaqla 5 nəfəri dağıntıların altından çəkib çıxardıqlarını gördükdə hamımız çox təsirləndik”.

“Yunanıstan 1999-cu il Mərmərə zəlzələsində etdiyini təkrarladı və hər zaman edəcək”, – Miçotakis deyib.

“Prezident Ərdoğana dediyim kimi, bu ehtiyac və ağrılı dövrdə onlara lazım olan hər cür yardımı göstərmək üçün buradayıq. Siyasi fikir ayrılıqlarımız ola bilər, amma Yunanıstan və Türkiyə xalqları dostdurlar. Dəstək dalğası bütün dünyada səslənir”, – yunan diplomat qeyd edib.