Türkiyə dünya turizmində 4-cü yerə yüksəldi

Türkiyə Mədəniyyət və Turizm Naziri Mehmet Nuri Ersoy bu ilin yanvar-sentyabr ayları arasında Türkiyəyə 50 milyon turistin gəldiyini və 50 milyard dollar gəlir əldə edildiyini bildirib.

Busaat.az xəbər verir ki, nazir bildirib ki, 2025-ci ilin yanvar-sentyabr ayları arasında Türkiyəyə gələnlərin ümumi sayı 50 milyon nəfər olub.

“Bu dövrdə turizm gəlirləri ötən ilin eyni dövrü ilə müqayisədə 5,7% artaraq 50 milyard dollara çatıb. Bu, bütün zamanların doqquz aylıq gəlir rekordunu təmsil edir. 2017-ci ildə dünyada ən çox turist cəlb edən ölkələr arasında 8-ci yeri tutduğumuz halda, 2024-cü ildə 4-cü pilləyə yüksəldik. Turizm gəlirlərimiz də 2017-ci ildə 15-ci yerdən 2024-cü ildə 7-ci yerə yüksələrək əhəmiyyətli bir sıçrayış yaşadı.Rəqəmsal platformalarda həyata keçirilən ünsiyyət və tanıtım fəaliyyətlərnə görə, YouTube kanallarında 5,28 milyon, TikTokda isə 4,8 milyon izləyici ilə rəqib ölkə hesabları arasında birinci sıradadırlar. Instagramda isə 3,8 milyon izləyici ilə ikinci yeri tutur.” -deyə Mehmet Nuri Ersoy bildirib.