Türkiyə Yunanıstana yanğınla mübarizədə kömək təklif edib
Türkiyə Aleksandrupoli və Rodop şəhərlərində davam edən yanğınlarla mübarizə üçün Yunanıstana yardım təklifi edib.
Busaat.az xəbər verir ki, bu barədə diplomatik mənbələr məlumat yayıb.
Bildirilib ki, Aleksandrupoli və Rodop şəhərlərində davam edən yanğınlarla mübarizə üçün Türkiyə Yunanıstana 2 təyyarə, 2 helikopter və 60 nəfərlik yerüstü yardım qrupunun göndərilməsini təklif edib.
Təklif dünən Yunanıstan hakimiyyətinə təqdim olunub.
Qeyd edək ki, avqustun 19-da Aleksandrupolidə baş verən yanğın bölgədə təsirli olan güclü külək səbəbindən nəzarət altına alına bilməyib.
