“Rusiya ona verilən vədləri nəzərə alaraq, taxıl sazişində iştirakını davam etdirəcək”.
Busaat.az xəbər verir ki, bunu Rusiya Müdafiə Nazirliyinin sözçüsü İqor Konaşenkov bildirib.
Konaşenkov, BMT-nin iştirakı və Türkiyənin dəstəyi sayəsində Ukraynadan lazımi təminat aldıqlarını qeyd edib.
Ukrayna ordusunun oktyabrın 29-da Rusiya Qara Dəniz Donanmasının gəmilərinə və mülki gəmilərinə hücum təşkil etdiyini qeyd edən Konaşenkov, sözügedən gəmilərin taxıl dəhlizinin təhlükəsizliyini təmin etdiyinə diqqət çəkib.
Bu səbəbdən Rusiyanın Ukraynadan taxıl tədarükü ilə bağlı razılaşmanı dayandırdığına diqqət çəkən Konaşenkov, bu məsələ ilə bağlı mövqelərini BMT-nin Baş katibi Antonio Quterreş və BMT Təhlükəsizlik Şurasına bildirdiklərini söyləyib.
Busaat.az
