Müstəntiq Ceremi Korbell və jurnalist Corc Knapp 2022-ci ilin mayında İraqın paytaxtı Bağdad üzərində uçan “Baghdad Phantom” adlı “silindrik” formalı obyektin ABŞ Hərbi Hava Qüvvələrinin üzvləri tərəfindən sızdırıldığı iddia edilən görüntüləri dərc ediblər.
Busaat.az xəbər verir ki, görüntülərin ABŞ Hərbi Hava Qüvvələrinin əməkdaşları tərəfindən yayıldığı iddia edilir.
Videodakı cismin UFO (Naməlum Uçan Obyekt) olduğu güman edilir.
Ceremi Korbell qeyd edib: “Hazırda hökumətimiz onu rəsmi olaraq UFO kimi qəbul etdi, lakin lazımi yerlərə çatmadı. Uzunluğu ilə müqayisədə çox nazik bir obyektdir. Sol yuxarıya baxsanız, bunu görəcəksiniz. Bu arada mən 100% təsdiq edə bilərəm ki, bu obyekt idarəli şəkildə uçur və ekran boyunca soldan sağa ağıllı şəkildə idarə olunur.”
“Mən bunun nə olduğunu bilmirəm, böyük ehtimalla bu bir UFOdur”, – Korbell əlavə edib.
