“Ümid edirik ki, ABŞ Ukraynaya döyüş tanklarının tədarükünə rəhbərlik edəcək”

image-teaser_challenger_2_crownbackend

Böyük Britaniyanın Ukraynanı tanklarla təmin etmək qərarı Almaniya kansleri Olaf Şolz üçün başağrısı olsa da, ABŞ-dan müvafiq siqnal gələrsə, onun ağır alman zirehli maşınlarını göndərməmək qərarının dəyişməyəcəyi sual altındadır.

Busaat.az xəbər verir ki, bu barədə nüfuzlu “Politico” nəşri yazıb..

Nəşrin məlumatına görə, Şolzun sözçüsü bildirib ki, Londonun Britaniya istehsalı olan “Challenger 2” tanklarını Ukraynaya tədarük etmək planları Berlinin “Leopard 2” tanklarını Kiyevə təhvil verməklə bağlı artan çağırışları rədd edən Almaniya hökumətinin mövqeyini dəyişməyəcək.

Varşava “Leopard 2”lərin Avropa ölkələrinin geniş ittifaq münasibətləri çərçivəsində tədarükünü təklif edib.

Anonimlik şərti ilə iki alman məmuru bildirib ki, Şolzun mövqeyi ABŞ prezidenti Co Baydendən çox asılıdır.

Belə ki, bazar ertəsi Berlində keçirilən regional kampaniya mitinqində Şolz ABŞ prezidenti ilə silahlanma məsələsini müzakirə etməyin vacibliyini qeyd edərək bildirib ki, Ukraynaya tank tədarükü dostları və müttəfiqləri ilə, xüsusən də transatlantik tərəfdaşımız olan ABŞ ilə birlikdə müzakirə edilməlidir.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90