Kahramanmaraşda baş verən 7,7 və 7,6 bal gücündə zəlzələlərdən sonra dünyadan Türkiyəyə dəstək mesajları gəlməyə davam edir.
Busaat.az xəbər verir ki, Ümumdünya Səhiyyə Təşkilatının (ÜST) baş direktoru Tedros Adhanom Ghebreyesus zəlzələdən zərər çəkmiş bölgələrdə dəyən ziyanın aradan qaldırılması üçün Türkiyə səlahiyyətliləri ilə əməkdaşlıq edəcəklərini bildirib:
“Bu təsvir olunmaz ağrılı gündə sizinləyik. Həyatları xilas etmək və əzabları yüngülləşdirmək üçün hamımızın bir ürək olaraq həmrəylik içində bir araya gəlmə vaxtıdır.”
Ümumdünya Səhiyyə Təşkilatı zəlzələdən zərər çəkənlərə operativ reaksiya vermək üçün dünən təcili tibbi yardım qruplarının işə salındığını açıqlayıb.
