Yunanıstanda 9 gündür yanğınlar davam edir
Yunanıstanda avqustun 19-da başlayan meşə yanğınları hələ də davam edir. Aleksandrupoli, Rodop və Meriç vilayətini, həmçinin Gümülcinə rayonunu və kəndlərini əhatə edən alov hələ də nəzarət altına alına bilməyib.
Busaat.az xəbər verir ki, bu barədə Meriç vilayəti qubernatorunun müavini Dimitris Petroviç Yunanıstan Dövlət Televiziyası ERT-yə açıqlamada bildirib.
Onun sözlərinə görə, Dadias meşə sahəsindəki yanğının genişlənməsi nəticəsində bölgənin bəzi kəndləri boşaldılıb. Petroviç yanğınlar səbəbilə 1 milyon 600 min hektar meşə sahəsinin 750 min hektarının artıq məhv olduğunu bildirib.
Sabahdan etibarən küləyin istiqamətini dəyişəcəyini qeyd edən Petroviç bu halda yanğının daha təhlükəli həddə çata biləcəyini və zərərin daha da arta biləcəyini vurğulayıb.
