Yunan təhlükəsizlik qüvvələri 42 qeyri-qanuni miqrantı paltarlarını çıxararaq döydükdən sonra Türkiyəyə göndərib.
Busaat.az xəbər verir ki, bu barədə Türkiyə Milli Müdafiə Nazirliyi məlumat yayıb.
“Qanunsuz miqrantlarla aparılan söhbət zamanı Yunanıstanda saxlanıldıqdan sonra onlara yemək və su verilmədiyi, sərt davranıldığı və paltarları tamamilə çıxarılaraq döyüldükdən sonra Türkiyəyə göndərildikləri məlum olub”, – deyə açıqlamada vurğulanıb.
Qovulan 42 qaçqından 12-sinin tamamilə çılpaq vəziyyətdə olduğu qeyd olunub.
Nazirliyin yazılı açıqlamasında Yunanıstanın immiqrantlara zülm etməyə davam etdiyi ifadə edilib.
