Zaxarova: "Moskva İrəvanın anti-Rusiya addımlarının ikitərəfli əlaqələrə təsirsiz qalacağına şübhə edir"

Moskva İrəvanın açıq-aşkar anti-Rusiya addımlarının ikitərəfli əlaqələrə təsir etməyəcəyi barədə bəyanatlarından narazıdır.

Busaat.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova mətbuat brifinqində bildirib.

“Biz İrəvan hakimiyyətinin bəyanatları ilə kifayətlənə bilmərik ki, onların son addımları və Kiyev rejimi ilə açıq-aşkar anti-Rusiya əlaqəsi, eləcə də ABŞ-la birgə həyata keçirmələri Ermənistan və Rusiya arasındakı münasibətlərə heç bir şəkildə təsir göstərə bilməz”,- Zaxarova deyib.

Diplomat Ermənistanın Beynəlxalq Cinayət Məhkəməsinin Roma Statutunu ratifikasiya etmək üçün bu yaxınlarda atdığı addımı xatırladıb.

Zaxarova İrəvanı Vaşinqton və Brüsselin Rusiyaya qarşı düşmən münasibət bəslədiyi siyasət kursu yürütməsi üçün əlverişli şərait yaratmaması barədə xəbərdarlıq edib.

“Biz gözləyirik ki, Ermənistan qərblilərin son kampaniyasının təhlükəsini dərk edəcək. Ümidvaram ki, Ermənistan hökuməti həm öz ölkəsinə, həm də bütün regiona fayda verən qərarlar qəbul etmək üçün siyasi cəhətdən kifayət qədər müdrik olacaq”, – deyə o, yekunlaşdırıb.