Zaxarova: "Moskva Yaponiyanın ABŞ-lə birgə təlimlər keçirməsinə görə Tokioya etiraz etdi"

Rəsmi Moskva Yaponiya və ABŞ arasında Rusiya sərhədi yaxınlığında keçirilən genişmiqyaslı hərbi təlimə etiraz etdi.

Busaat.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova keçirdiyi brifinqdə bildirib.

“Oktyabrın 2-də Yaponiya səfirliyinə sentyabrın 14-23-də Rusiya sərhədləri yaxınlığındakı Hokkaydo adasında genişmiqyaslı Yaponiya-ABŞ hərbi təliminin və buna oxşar təlimlərin keçirilməsi planları ilə bağlı qəti etiraz edilib”, – Zaxarova deyib.

Onun sözlərinə görə, Yaponiya tərəfinə Tokionun Rusiyanın Uzaq Şərq sərhədləri yaxınlığında NATO müttəfiqləri ilə birgə həyata keçirdiyi hay-küylü hərbi fəaliyyətin qəti şəkildə yolverilməz olduğu bildirilib.

“Biz həmçinin xəbərdarlıq etdik ki, baş nazir Fumio Kişida hökumətinin yürütdüyü məsuliyyətsiz siyasət kursu Yaponiyanı Şimal-Şərqi Asiyada və bütün Asiya-Sakit Okean regionunda gərginliyin təhlükəli eskalasiyasına aparan yola çıxara bilər”, – deyə rusiyalı diplomat yekunlaşdırıb.