“Rusiya Ermənistanla həmişə dostluq münasibətində olub və heç vaxt münasibətlərin pisləşməsinin təşəbbüskarı və ya səbəbkarı olmayıb və olmayacaq”.
Busaat.az TASS-a istinadən xəbər verir ki, bu fikri Rusiya Xarici İşlər Nazirliyinin sözçüsü Mariya Zaxarova deyib.
“Rusiya öz missiyasını yerinə yetirməkdə davam edir. Sülhməramlılarımız regiondadır. Bu, bizim niyyətlərimizin və real münasibətimizin ən yaxşı təsdiqidir. Biz həmişə Ermənistanla müttəfiqlik münasibətlərini yüksək qiymətləndirmişik. Heç vaxt hər hansı bir gərginliyin təşəbbüskarı və ya səbəbkarı olmamışıq və olmayacağıq”, – diplomat bildirib.
Zaxarova, Rusiyanın ikitərəfli əməkdaşlığın inkişafı ilə bağlı bütün razılaşmaların iki xalqın maraqlarına uyğun olaraq həyata keçirilməyə davam edəcəyini güman etdiyinə diqqət çəkib.
