Zelenski Almaniyadan hava hücumundan müdafiə sistemləri istəyib

 Ukrayna prezidenti Volodimir Zelenski Almaniyadan idxal edilməsi üçün daha çox hava hücumundan müdafiə sistemlərinə ehtiyac duyduqlarını bildirib və digər müdafiə silahlarının tədarükü üçün kömək istəyib.

Busaat.az xəbər verir ki, bu barədə Ukrayna prezidenti Volodimir Zelenski Ukraynanın paytaxtı Kiyevə səfər edən Almaniya prezidenti Frank-Valter Ştaynmayerlə görüşü zamanı bildirib.

Kiyevdəki Prezident Aparatında bağlı qapılar arxasında keçirilən ikitərəfli görüşlərdən sonra keçirilən birgə mətbuat konfransında Zelenski Almaniyaya Ukrayna ilə Avropa İttifaqı (Aİ) və Birləşmiş Millətlər Təşkilatı (BMT) səviyyəsində davam edən təhlükəsizlik, iqtisadiyyat və sosial inkişaf məsələlərində əməkdaşlığa görə təşəkkür edib.

“Bu gün prezident Ştaynmayerlə dövlətlərimiz arasında qarşılıqlı əməkdaşlığa tam uyğun gələn mühüm danışıqlar apardıq” – deyə, Zelenski ikitərəfli görüşlərdə hər iki ölkə üçün vacib məsələləri müzakirə etdiklərini qeyd edib.

Busaat.az