Bu gün Xəzər Media Mərkəzində 27-ci “ZOOM” Beynəlxalq Xəbər Görüntüləri Müsabiqəsinin qaliblərinin adları açıqlanıb.
Busaat.az xəbər verir ki, konfransda Türkiyə Xəbər Operatorları Assosiasiyasının sədri Aytəkin Polatel, Türkiyə Xəbər Operatorları Assosiasiyasının sədr müavini Ahmet Akpolat, Türkiyə Xəbər Operatorları Assosiasiyasının Azərbaycan üzrə nümayəndəsi İsgəndər Qəmbərov, İdarə Heyətinin üzvləri İbrahim Büyükkerman, Mehmet Rıza Marufoğlu, Mustafa Soybaş, Mustafa Kara iştirak ediblər.
Müsabiqəyə ümumilikdə 160-a yaxın videomaterial təqdim olunub.
Toplantıda çıxış edən Türkiyə Xəbər Operatorları Assosiasiyasının sədri Aytəkin Polatel deyib ki, “ZOOM” Beynəlxalq Xəbər Görüntüləri Müsabiqəsinin əsas mövzularından biri də Qarabağdır: “İkinci Qarabağ müharibəsi Anadoluda da əks-səda yaratdı. Müharibədə ordu kimi, media da mühüm rolu oynadı. Bunu hər birimiz gördük”.
