ABŞ milyonlarla doza peyvənd toplayıb: Nə istifadə edir, nə də digər ölkələrə göndərir
ABŞ-da koronavirusa qarşı milyonlarla “AstraZeneca” peyvəndi toplanıb, lakin preparat nə istifadə olunur, nə də istifadəsinə icazə verilən ölkələrə göndərilir.
Bu barədə “The New York Times” məlumat yayıb.
Nəşr qeyd edir ki, Ohayo ştatında təxminən 30 milyon doza, həmçinin Merilenddə də milyonlarla doza peyvənd saxlanılır. Lakin ABŞ-da “AstraZeneca” peyvəndi hələ də təsdiqlənmədiyi üçün istifadə olunmur.
Peyvənd istehsalçısı ABŞ-dan sözügedən preparatları Avropaya göndərməyə icazə verməsini tələb edib. Ağ Evdə bununla bağlı müzakirə gedir, lakin hələlik məsələ təxirə salınıb.
