Yunanıstanın paytaxtı Afinada avtobus sürücülərinin işini dayandırdığı bildirilib.
Busaat.az xəbər verir ki, yerli mətbuatda avtobus sürücülərinin dünən saat 08:30-dan axşam saat 22:00-a kimi işini dayandıracağı bildirilib və işçilərin işçi və sərnişinlər üçün əlavə təhlükəsizlik tədbirlərinin görülməsini, kadrların daimi işlə təmin olunmasını, dayanacaqların və avtobus parkının yenilənməsini tələb etdikləri qeyd edilib.
Bildirilib ki, səhər saatlarında insanlar işə gedərkən paytaxt küçələrində sıxlıq yaranıb.
Qeyd edək ki, ötən həftə Afinada avtobus sürücüləri tətilə çıxmışdılar.
Busaat.az
