Martın 10-da Ağdam şəhərinin Quzanlı qəsəbəsində yerləşən Ağdam Musiqi kollecində Azərbaycan Respublikasının Mədəniyyət Nazirliyi qeyri-hökumət təşkilatları üçün mədəni və yaradıcı sənayelərin təşviqi üzrə elan etdiyi qrant müsabiqəsinin qalib layihəsi “Mədəniyyət dalğasında olanlar” baş tutdu. Layihə “Mədəniyyət dalğası ” İB tərəfindən təqdim olundu. Giriş sözü ilə çıxış edən kollecin direktoru, Respublikanın əməkdar artisti Firuz Məmmədov acdı daha sonra söz Azərbaycan incəsənətinin və mədəniyyətinin təbliğində uzun illər xidmət göstərən, bir necə mədəni layihələrin təlimcisi və musiqili layihələrin tərcüməci-redaktoru olan Sitarə İsmayıl və Azərbaycan Dövlət Akademik Filarmoniyasının solisti, Ümumiittifaq və Beynəlxalq müsabiqələr laureatı, müğənni Nurlan Əzizbəyliyə verildi. Tədbir zamanı gənclərin daxili və xarici motivasiya elementləri, yaradıcı davranışları, sənətdə uğur qazanmağın yolları və tələbələr təhsil aldığı ixtisas üzrə müzakirələr aparıldı. Qeyd edək ki, layihənin davamı martın 15-i Masallı rayon H.Əliyev prospektində yerləşən Prospekt Biznes Centerde saat 12 də baş tutacaq.
