Almaniya Ukraynadakı münaqişəyə görə rusofobiyanın təzahürini pisləyir - Kristian Hofman

“Berlin Ukraynadakı münaqişəyə görə rusofobiyanın istənilən təzahürünü pisləyir”

Busaat.az RİA Novosti-yə istinadən xəbər verir ki, bunu Almaniya hökumətinin nümayəndəsi Kristian Hofman brifinqdə deyib.

Aprelin 9-da Almaniyanın Ştutqart şəhərində “Rusdillilərə qarşı ayrı-seçkiliyə qarşı” avtoyürüşünün keçirildiyi bildirilib. İştirakçıların bir çox avtomobilləri Rusiya bayraqları ilə bəzədilib. Nümayişçilər rusofobiyanın dayandırılmasını və təhsil müəssisələrində rusdilli uşaqlara qarşı ayrı-seçkiliyə son qoyulmasını tələb ediblər.

Rusiyanın Ukraynada keçirdiyi xüsusi əməliyyat fonunda xaricdə rusofobiya və ruslara və rusdilli vətəndaşlara qarşı ayrı-seçkilik halları ilə bağlı xəbərlər daha çox yayılıb.

Sərvinaz Hacalıyeva

Busaat.az