Yeni “Apple Watch” smart saatı böyük ekrana sahib olacaq.
Busaat.az xəbər verir ki, bu barədə TrendForce analitik şirkətinin yeni hesabatında şirkətin tədqiqatlar üzrə baş vitse-prezidenti Erik Çu bildirib. Onun sözlərinə görə növbəti nəsil Apple Watch ağıllı saatı genişləndirilmiş Micro LED displeyinə sahib olacaq.
O, 2026-cı il Apple Watch-un ekranında yeni növ işıq yayan diodlardan (Micro LED) istifadə ediləcəyini bildirdi. Həmçinin onun proqnozlarına görə matris hazırkı Apple Watch Ultra ilə müqayisədə təxminən 10% böyük olacaq. Başqa sözlə yeni saatın diaqonalı təxminən 2,12 düym olacaq.
Apple-ın iki əsas Micro LED displey tədarükçüsü olacaq: Alman LED istehsalı nəhəngi ams OSRAM və LG Display. Ams OSRAM 10×10 mikrometrdən kiçik mikro-LED çipləri istehsal edəcək. Öz növbəsində, LG Display əlavə ekran komponentlərinin buraxılmasına cavabdeh olacaq.
Chew-un sözlərinə görə, Micro LED-ə keçid Apple-ın saat displeylərinə xərclərini əhəmiyyətli dərəcədə azaldacaq. 2026-cı ildə bir matrisin şirkətə təxminən 120 dollara başa gələcəyi gözlənilir. OLED panelin indiki qiymətində 2-3 dəfə ucuzdur.
