Moldovanın Avropa İttifaqına (Aİ) daxil olması ilə bağlı danışıqların başlanması məsələsinə yaxın vaxtlarda baxılacaq.
Busaat.az xəbər verir ki, bunu Avropa Şurasının prezidenti Şarl Mişel bildirib.
“Moldova artıq xeyli səy göstərib. Avropa Komissiyasının fikrincə, doqquz addımın həyata keçirilməsini davam etdirmək vacibdir”, – Mişel vurğulayıb.
O, ölkə prezidenti Maia Sandu ilə bu məsələləri, xüsusən də məhkəmə sisteminin hərtərəfli islahatını, korrupsiyaya qarşı mübarizəni və dövlət institutlarının siyasətsizləşdirilməsini dərindən müzakirə etdiyini açıqlayıb.
“Moldova Avropa İttifaqının tam dəstəyinə və Aİ ailəmizə doğru gedən yolunuza arxalana bilər”, – o vurğulayıb.
Avropa Şurasının sədri Şarl Mişel iyunun 1-də Avropa Siyasi Birliyinin sammitinə hazırlığı müzakirə etdiyini bildirib. Onun sözlərinə görə, bu sammit qitədə sabitlik və təhlükəsizliyi dəstəkləyən ölkələri bir araya gətirmək üçün mühüm siyasi məqam olacaq. Mişel, həmçinin Rusiyanın enerji, kiberhücumlar, etiraz aksiyaları və digər pozucu fəaliyyətlərdən istifadə edərək Moldovada sabitliyi pozmağa çalışdığını qeyd edib və Moldovaya siyasi və maliyyə yardımı vəd edib.
