Azərbaycan millisi Bakıda təşkil olunan “FIFA series – Edition 2024” layihəsində bu gün növbəti oyununu keçirib.
Busaat.az xəbər verir ki, komandamız Bolqarıstan yığması ilə qarşılaşıb.
Tofiq Bəhramov adına Respublika stadionunda keçirilən matçda Azərbaycan millisi son dəqiqədə vurduğu qolla məğlubiyyətdən yaxa qurtarıb.
“FIFA series – Edition 2024”
25 mart
20:00. Azərbaycan – Bolqarıstan 1:1
Qol: Musa Qurbanlı, 87 – Filip Krastev, 59
Baş hakim: Kristo Tohver (Estoniya)
Bakı, Tofiq Bəhramov adına Respublika stadionu
Qeyd edək ki, millimiz ilk matçında Monqolustana, bolqarlar isə Tanzaniyaya 1:0 hesabı ilə qalib gəlib.
