“Azərbaycan beynəlxalq hüquq prinsipləri çərçivəsində hərəkət edir”.
Bu sözləri Rusiyaya tətbiq olunan sanksiyaların Azərbaycanla siyasi əməkdaşlığına təsirlərini analiz edən politoloq Natiq Miri Busaat.az-a açıqlamasında deyib.
Onun sözlərinə görə, bu gün Rusiya ilə Azərbaycan arasında münasibətlərin korlanması üçün ciddi səbəb yoxdur:
“Çünki Azərbaycan Ukrayna və Rusiya arasındakı müharibədə birbaşa və ya bilavasitə iştirak etmir. Əksinə ölkəmiz Türkiyə ilə birgə müharibənin dayandırılmasına və prosesdə vasitəçiliyə hazır olduğunu bildirib. Bu baxımdan Azərbaycan Rusiya ilə mütəffiqlik sənədini pozacaq hansısa addım atmır. Ayrıca hərbi cəhətdən Ukraynaya hərbi yardım etmir.
Azərbaycan bir növ beynəlxalq hüquq prinsipləri çərçivəsində hərəkət edir. Bu fonda Rusiya tərəfindən Azərbaycanı ittiham edəcək heç bir amil yoxdur. Əgər Azərbaycan-Rusiya münasibətlərində hansısa dəyişiklik olacaqsa, bu, müsbət addımlar çərçivəsində baş verəcək. Çünki bu gün Rusiyanın qeyd etdiyim münasibətə çox ehtiyacı var”.
Busaat.az
