Britaniyanın BP şirkəti İraqın Kərkük şəhərində neft və qazın işlənməsi layihələrinə 25 milyard dollara qədər sərmayə qoyacaq.
Busaat.az xəbər verir ki, bu barədə “Reuters” məlumat yayıb.
Razılaşdırılmış müqavilə üzrə ilkin karbohidrogen hasilatı həcmi sutkada 328 min barel müəyyən edilib. İraq baş nazirinin müavini və neft naziri Hayyan Abdel Qani bildirib ki, bu rəqəm müqavilənin başlandığını göstərir və bu səviyyəni aşan istənilən artım inkişaf əməliyyatları vasitəsilə əldə ediləcək.
Razılaşmaya əsasən, BP İraqın dövlətə məxsus North Oil Company (NOC) və North Gas Company (NGC) ilə birlikdə Kərkük yatağının Baba və Avanah günbəzlərində, həmçinin üç bitişik yataqda: Cambur, Bai Hasan və Khabbazda hasilatı bərpa etmək və genişləndirmək üçün işləyəcək.
Sənaye mənbələrindən verilən məlumata görə, ilkin mərhələdə olan layihəyə Kərkük-Ceyhan neft kəməri ilə tədarükün bərpası kömək edəcək. İraqın Kərkük yataqlarını Türkiyə ilə birləşdirən ən böyük neft kəmərinin uzunluğu 970 km-dir.
Yeganə
