Böyük Britaniyanın xarici işlər naziri İvet Kuper bildirib ki, Böyük Britaniya atəşkəsə nəzarət etmək üçün Qəzza zolağına qoşun göndərmək niyyətində deyil.
Busaat.az xəbər verir ki, bu barədə o, “BBC”-yə müsahibəsində qeyd edib.
“Bu, bizim planlarımızda deyil. Bununla belə, ABŞ-ın yerdə nə baş verdiyini anlamaq üçün dərhal monitorinq prosesinə rəhbərlik etmək, girovların azad edilməsi prosesinə, sövdələşmənin birinci mərhələsinin həyata keçirilməsinə və humanitar yardımın çatdırılmasına nəzarət etmək təklifi var. Amma onlar açıq şəkildə bildiriblər ki, qonşu ölkələrdən qoşunların yerdə olmasını gözləyirlər”,-deyə Kuper bildirib.
Kuper həmçinin bildirib ki, Böyük Britaniya Qəzzanın yenidən qurulması üçün investisiya cəlb etmək üçün Misir və İordaniya da daxil olmaqla bir sıra ölkələrlə danışıqlar aparacaq.
Yeganə
