Bu gün Azərbaycan kubokunun 2021/22 mövsümünün final oyunu keçiriləcək.
Busaat.az xəbər verir ki, həlledici matçda Premyer Liqanın son çempionu “Qarabağ” bürünc medalçı “Zirə” ilə üz-üzə gələcək. “Qarabağ” “Qızıl dubl”, “Zirə” isə ilk titulunu qazanmaq arzusundadır. Qəbələ Şəhər Stadionunda oynanılacaq görüş saat 19:00-da başlayacaq.
Qeyd edək ki, “Qarabağ” indiyədək 6 dəfə Azərbaycan kubokunun qalibi olub. “Zirə” isə ilk dəfə bu gün bu titulu qazana bilər.
27 may (cümə)
19:00. “Qarabağ” – “Zirə”
Hakimlər: Elçin Məsiyev, Elşad Abdullayev, Pərvin Talıbov, Kamal Umudlu
Ehtiyat köməkçi hakim: Kamran Bayramov
Qəbələ şəhər stadionu