Bu tarixlərdə möhkəm istilər düşəcək - XƏBƏRDARLIQ

Yayın qızmar günləri davam edir. Qlobal istiləşmə bir çox ölkələrdə müşahidə olunur. Qardaş Türkiyədə də güclü istilər başlayır. Bununla bağlı Türkiyə Meteorologiya Müdirliyi xüsusi xəbərdarlıq edib.

Bildirilir ki, ölkənin bəzi əyalətlərində yağan leysan yağışlardan sonra qızmar istilər başlayacaq.

Bazar günündən etibarən İstanbul da daxil olmaqla bir çox şəhərdə qızmar isti rütubətlə təsirini daha çox göstərəcək.

Həftənin əvvəlində tempratur 2-5 dərəcə yüksələcək. Antalya, İzmir, Muğla 40 dərəcə olacaq.
Qeyd edək ki, Azərbaycanda da güclü istilərin olacağı bildirilib. Sabah Bakıda və Abşeron yarımadasında havanın temperaturu gecə 21-26° isti, gündüz 31-36° isti olacaq. Bəzi rayonlarda isə temperatur 40°-yə çatacaq.

Bundan başqa, iyulun 16-sı, 17-si, 18-si və 19-zu Bakıda temperatur 4-5 dərəcə qalxacaq.