Dekabrın 19-u Çilidə prezident seçkilərinin ikinci turu keçirilib.
Busaat.az “TASS”a istinadən xəbər verir ki, 35 yaşlı millət vəkili Qabriel Boriç ölkənin yeni Prezidenti seçilib. Seçicilərin 55, 87%-i Boriçin namizədliyini dəstəkləyib.
Yeni Prezidentin inauqurasiya mərasimi 2022-ci ilin martın 11-i keçiriləcək. Boriç ölkə tarixinin ən gənc Prezidenti olacaq.
Qeyd edək ki, Q. Boriç 2011-ci ildə ölkədə qüvvədə olan ödənişli ali təhsil sisteminə qarşı tələbələrin keçirdiyi kütləvi etirazların liderlərindən biri olub. O, 2013-cü ildə müstəqil namizəd qismində Deputatlar Palatasına üzv seçilib.
