Çinin nüvə silahlarının modernləşdirilməsi davam edərsə, Pekin 2035-ci ilə qədər 1500 nüvə başlığına sahib ola bilər.
Busaat.az xəbər verir ki, bu barədə məlumatı ABŞ Müdafiə Nazirliyi (Pentaqon) yayıb.
Məlumatda, Çinin təhlükəsizlik siyasətinin təfərrüatları və buna paralel olaraq 2021-ci ildə iqtisadiyyat, xarici siyasət, hava, quru, dəniz gücü, strateji güc elementləri, infrastruktur işləri, hərbi modernləşdirmə proqramları və nüvə enerjisi potensialı ilə bağlı atılan addımlarla bağlı informasiyalar yer alıb.
ABŞ-ın Çini cilovlamaq səyləri Pekin tərəfindən təhlükə olaraq qəbul edilir və buna 2049-cu ilə qədər böyük Çin sivilizasiyasını yenidən qurmaq siyasətinə maneə kimi baxılır.
Məlumata görə, Çin növbəti 10 il ərzində nüvə potensialının modernləşdirilməsi və şaxələndirilməsi istiqamətində intensiv fəaliyyəti davam etdirəcək.
