Cinayət törədən keçmiş məhkum saxlanılıb
Nizami Rayon Polis İdarəsinin 23-cü polis bölməsinə dekabrın 18-də saat 17 radələrində Keşlə qəsəbəsində yaşayan H.Rzaxanovun qarın və qol nahiyəsinin kəsilmiş-deşilmiş xəsarətləri ilə xəstəxanaya gətirilməsi barədə məlumat daxil olub.
Daxili İşlər Nazirliyinin mətbuat xidmətindən verilən məlumata görə, dərhal polis əməkdaşları müvafiq tədbirlər həyata keçiriblər.
Münaqişə zəminində bu cinayət əməlini törətməkdə şübhəli bilinən Keşlə qəsəbə sakini, əvvəllər məhkum olunmuş Z.Əhmədov təxirəsalınmaz əməliyyat-axtarış tədbirləri nəticəsində saxlanılıb.
Faktla bağlı rayon polis idarəsi tərəfindən araşdırma aparılır.
