Dünya Bankının proqnozuna görə, müharibənin uzunluğundan asılı olaraq, faktiki yaşayış minimumundan aşağı yaşayan əhalinin nisbəti 2022-ci ildə 70 faizə çata bilər.
Busaat.az UNİAN-a istinadən xəbər verir ki, bu barədə maliyyə qurumunun hesabatında deyilir. Tammiqyaslı müharibə şəraitində 2022-ci ilin sonunda Ukraynanın ümumi daxili məhsulu (ÜDM) 2021-ci illə müqayisədə 45,1% azala bilər.
Müharibə və nəticədə məcburi köçkünlük səbəbindən yoxsulluq səviyyəsi bu il 19,8% ola bilər. 2021-ci ilə bu rəqəm 1,8% təşkil edib. Müqayisəli gəlirləri olan ölkələr üçün yoxsulluq həddi adambaşına gündəlik 5,5 dollardır. Dünya Bankı bu rəqəmin 2023-cü ildə 18,5%, 2024-cü ildə isə 17,1% olacağını gözləyir.
“Müharibənin yoxsulluq və sosial nəticələri çox böyük olacaq. Ən son makroiqtisadi proqnozdan istifadə etməklə modelləşdirmə göstərir ki, gəlirləri faktiki yaşayış minimumundan aşağı olan əhalinin xüsusi rəqəmi 2021-ci ildəki 18 faizlə müqayisədə 2022-ci ildə 70 faizə çata bilər. 2025-ci ilə qədər bu rəqəm hələ də 60 faizdən yuxarı olacaq” – deyə hesabatda deyilir.
Sərvinaz Hacalıyeva
Busaat.az
