“Əl-İttihad” Məhəmməd Salah üçün “Liverpul”a rekord təklif hazırlayır

Səudiyyənin “Əl-İttihad” klubu “Liverpul”un hücumçusu Məhəmməd Salahı almaq niyyətindədir.

Busaat.az xəbər verir ki, bu barədə jurnalist Rudi Qaletti məlumat yayıb.

Onun sözlərinə görə, “Əl-İttihad” “Liverpul” və Klopp rəhbərliyini Salahı satmağa razı salmağa çalışacaq. Ciddə klubu 31 yaşlı misirli üçün 90 milyon avrodan çox təklif edəcək. İngiltərə nəhəngi razılaşarsa, müqavilə Səudiyyə Ərəbistanı çempionatı tarixindəki ən bahalı müqavilə olacaq.

Qeyd edək ki, 31 yaşlı Salahın “Liverpul”la 2025-ci ilin iyununa qədər müqaviləsi var. “Transfermarkt” onlayn portalı misirli hücumçunu 65 milyon avro qiymətləndirir. Bu mövsüm Salah Premyer Liqada bir oyun keçirib və bir məhsuldar ötürmə edib.

Xatırladaq ki, daha əvvəl Səudiyyə Ərəbistanında çıxış edən ulduz futbolçuların siyahısını “Əl-Hilal”a keçən “PSJ”nin sabiq hücumçusu Neymar tamamlayıb.