Ermənistanın təxribatlarının əsl SƏBƏBİ: “Sülh müqaviləsi və Zəngəzur Paşinyan üçün daha böyük problemdir”

image-cebhebackend

“Sərhədlərdə kontrollu gərginlik Paşinyana hələlik sərf edir”.

Busaat.az xəbər verir ki, bunu iyulun 28-i gecə saatlarında Ermənistan silahlı qüvvələrinin Kəlbəcər rayonu istiqamətində başladığı təxribata münasibət bildirən politoloq Nazim Cəfərsoy deyib.

Politoloqa görə, Ermənistan tərəfinin sərhəddə yaratdığı atışmalar delimitasiya ve demarkasiya mövzusundakı müzakirələrdə mövqe əldə etməklə yaxından əlaqəlidir:

image-nazimcefersoy

“Bu atışmalar həm də Rusiyanı prosesə ortaq komissiya kontekstində çəkmə prosesinin bir parçasıdır. Xatırladaq ki, Rusiya ortaq komissiya təklif edəndə Paşinyan beynəlxalq müşahidəçilər təklifi edərək, faktiki buna qarşı çıxmışdı. Son olaraq mövzu Mişelin bölgə səfərində təkrar gündəmə gəlmişdi. Bu arada Paşinyan da sərhəd atışmalarını Ermənistan mətbuatının gündəmini getdikcə daha çox işğal edən sülh müqaviləsi iddialarını örtmək üçün istifadə şansı əldə edir. Sülh müqaviləsi və Zəngəzur Paşinyan üçün daha böyük problemdir. Zaman qazanmaq və imicinə zərər verməmək üçün Zəngəzurdan uzaq bölgədəki sərhədlərdə kontrollu gərginlik Paşinyana hələlik sərf edir. Ümumiyyətlə isə demək olar ki, sərhəd müzakirələrinin Rusiyanın vasitəçiliyi ilə bir komissiyada müzakirə edilməsi yaxınlaşır”.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90