Etirazlar və hərbi qiyam nəticəsində Madaqaskar prezidenti Andry Rajoelina Fransa hərbi təyyarəsi ilə ölkədən təxliyə edilib.
Busaat.az xəbər verir ki, bu barədə “RFI” məlumat yayıb.
Təxliyyə Fransa prezidenti Emmanuel Makronla razılığa əsasən həyata keçirilib. Fransa rəsmiləri sentyabrın 25-dən ölkəni sarsıdan Madaqaskarda daxili böhrana müdaxilə etməyəcəklərini bəyan ediblər.
İğtişaşlar su və elektrik enerjisinin geniş kəsilməsi ilə başlayıb, lakin Rajoelinanın istefasını tələb edən ümummilli hərəkata çevrilib.
Təhlükəsizlik qüvvələri nümayişləri dağıtmaq üçün güc tətbiq edib, etirazçılara dəstək verən zabitlər isə hərbiləşdirilmiş jandarmeriyaya nəzarəti ələ keçirib.
Bazar günü prezident administrasiyası 2009-cu ildə dövlət çevrilişi zamanı Rajoelinanın hakimiyyəti ələ keçirməsinə kömək edən elit birlik olan Capsat üzvlərinin çevriliş cəhdi barədə xəbərdarlıq edib.
Yeganə
