Fransa xüsusi təyinatlıları İrandan Yəmənə gedən silahları ələ keçirib - Wall Street Journal

Fransanın xüsusi təyinatlı qüvvələri İranın Yəməndə husilərə verdiyi silah və sursatları daşıyan gəmini ələ keçirib.

Busaat.az xəbər verir ki, bu barədə nüfuzlu “The Wall Street Journal” məlumat yayıb.

Məlumata görə, yanvarın 15-də Fransa hərbi gəmisi Yəmən sahillərində silah qaçaqmalçılığında şübhəli bilinən gəmini saxlayıb. Fransızlar 3000-dən çox hücum tüfəngi, yarım milyon patron və 20 tank əleyhinə idarə olunan raket tapıblar.

Qəzet yazır ki, ABŞ hərbçiləri ilə razılaşdırılan əməliyyat Fransanın Yaxın Şərqdə silah qaçaqmalçılığı ilə mübarizədə daha fəal rolunun nəticəsidir.

ABŞ ordusunun məlumatına görə, son iki ayda Yəmənə gedən yolda 5000-dən çox silah və 1,6 milyon patron ələ keçirilib.