Fransanın bir çox şəhərlərində qənaət tədbirləri və hökumətin təklif etdiyi büdcəyə qarşı kütləvi etirazlar keçirilir.
Busaat.az xəbər verir ki, bundan əvvəl Fransanın ən böyük həmkarlar ittifaqları oktyabrın 2-də hökumətin təklif etdiyi qənaət tədbirlərinə qarşı yeni etirazlar elan etmişdilər.
Daxili işlər naziri vəzifəsini icra edən Bruno Retalleau etirazlar günü ölkə üzrə 76 min, Paris və Paris bölgəsində isə 5 min hüquq-mühafizə orqanının yerləşdiriləcəyini açıqlayıb.
“Fiqaro” qəzeti yazır ki, etirazçılar ölkənin cənubunda ictimai nəqliyyatın hərəkətini pozurlar. Qəzetin yazdığına görə, regional dəmir yolu şəbəkələrində ciddi fasilələr və bir neçə şəhərlərarası qatarların hərəkət cədvəlində dəyişikliklər gözlənilir. Qəzet qeyd edib ki, Parisdə və ətraf metropolitendə bir neçə metro stansiyaları bağlanıb və iki RER xəttində xidmətin dayandırıldığı bildirilir. Bundan əlavə, bir tramvay xətti pozulur, bir avtobus deposu bağlanır.
Bundan əlavə, etirazçılar ölkə daxilində bir neçə böyük sənaye müəssisəsini bağlayıblar
Yeganə
