Fransada yüksək yoluxucu quş qripi aşkarlanıb - WOAH

Ümumdünya Heyvan Sağlamlığı Təşkilatı (WOAH) bildirib ki, Fransanın paytaxtı Paris yaxınlığında qırmızı tülkülərdə yüksək yoluxucu H5N1 quş qripi aşkar edilib.

Busaat.az xəbər verir ki, WOAH tərəfindən Fransa səlahiyyətlilərinə əsaslanan hesabatda ölü qağayıların tapıldığı əraziyə yaxın Meaux bölgəsindəki təbiət qoruğunda 3 tülkünün ölü tapıldığı, tülkülərdən götürülmüş nümunələrdə isə quş qripinə rast gəlindiyi ifadə edilib.

Ümumdünya Səhiyyə Təşkilatı (ÜST) ötən ay quş qripinə yoluxma hallarının artmasına diqqət çəkərək, hadisələrin artmasını “narahatedici” olaraq xarakterizə edib.

ÜST Kambocada insan yoluxma halları da daxil olmaqla quş qripi ilə bağlı son inkişaflar fonunda qlobal risk qiymətləndirməsini nəzərdən keçirir.

Quş qripi, həmçinin İspaniyada minks, İngiltərədə tülkü və su samuru, Peruda dəniz şirləri və ABŞ-da ayılarda aşkarlanıb və bütün dünyada 200 milyondan çox quşu öldürüb.