“44 günlük müharibədən əvvəl, eyni zamanda döyüşlər dövründə erməni diasporu Azərbaycan diasporuna görüşlər keçirmək, danışıqlar aparmaq təklifi ilə müraciət edirdi. Lakin həmin vaxt Azərbaycan icması bundan qəti şəkildə imtina etdi. Çünki torpaqlarımız işğal altında idi”.
Busaat.az-ın xəbərinə görə, bunu Diasporla İş üzrə Dövlət Komitəsinin sədri Fuad Muradov jurnalistlərə açıqlamasında deyib.
O bildirib ki, indiki mərhələdə isə belə fikirlər hələ ki yoxdur.
F.Muradov söyləyib ki, Azərbaycan rəsmiləri lazımi işlərlə məşğul olurlar: “Reinteqrasiya və etimad mühitinin qurulması istiqamətində işlər davam edir. Amma, əlbəttə, bu asan məsələ deyil. İndiki məqamda isə hələ ki şəhidlərimizi anırıq”.
