Fövqəladə Hallar Nazirliyinin yaranmasının 20 illiyi münasibətilə keçirilən “Gənc xilasedici və yanğınsöndürən” yarışının tarixində ilk dəfə olaraq qızlardan ibarət komanda iştirak edərək böyük uğura imza atıb.
Yarışlara rayon mərhələsindən başlayan komanda, ciddi hazırlıq və əzmkarlıqla Bakı şəhər mərhələsində də qalib gəlib. Bu uğur onlara Ümumrespublika yarışının final mərhələsində iştirak imkanı qazandırıb.
Yarışın gedişində qızlardan ibarət komanda peşəkarlığı və fəallığı ilə seçilərək “Yarışın fəal komandası” adına layiq görülüb. Bu nailiyyət komanda üçün böyük qürur və tarixi uğur kimi dəyərləndirilib.
Qeyd edək ki, bu nəticə ilə qızlar həm cinsiyyət stereotiplərini qırıb, həm də gələcək nəsil üçün ilhamverici nümunəyə çevriliblər.
Qeyd edək ki, komandanın rəhbəri 31 nömrəli məktəbin Fiziki tərbiyə müəllimi Vüsalə Kərimovadır.
