“HƏMAS Trampın Qəzzada məhbus mübadiləsi təklifinə müsbət cavab versə də, bəzi digər maddələrin müzakirəyə ehtiyacı olduğunu bildirib”.
Busaat.az xəbər verir ki, bu barədə HƏMAS yazılı açıqlama yayaraq Trampın təklifini məsuliyyətlə qiymətləndirdiyini bildirib.
HƏMAS İsrailin hücumlarına son qoyulması və Qəzza zolağından tamamilə çıxarılmasının təmin edilməsi üçün yerdəki şərtlər yerinə yetirildiyi təqdirdə bütün israilli məhbusları azad etməyə razılaşdığını açıqlayıb və detalların həlli üçün dərhal vasitəçilərlə danışıqlara başlamağa hazır olduğunu bəyan edib. Həmas Qəzza zolağının idarəsinin Fələstin milli konsensusu və ərəb və islam ölkələrinin dəstəyi əsasında müstəqil Fələstin orqanına verilməsi ilə bağlı razılığını bir daha təkrarlayıb. HƏMAS bəyan edib ki, Qəzzanın gələcəyi ilə bağlı məsələ beynəlxalq hüquq və qərarlar əsasında həll olunmalıdır və bu məsələ Fələstin milli konsensusu çərçivəsində HƏMAS-ın da iştirakı ilə müzakirə olunacaq.
Yeganə
