“Google” “Mind the Gap” proqramı çərçivəsində Qərbi Afrika ölkələrindən biri olan Nigeriyada 20 min gənc və qadına rəqəmsal təhsil təqdim edəcək.
Busaat.az xarici mediaya istinadən xəbər verir ki, bu barədə Nigeriya Prezidentliyi açıqlama yayıb.
Bildirilib ki, Nigeriyanın vitse-prezidenti Kaşim Şettima və Google Afrika rəhbərləri paytaxt Abucada görüşüblər.
“Google”un Qərbi Afrika direktoru Çarlz Murito yığıncaqda “Google”un başlatdığı “Boşluqdan çəkinin” proqramı çərçivəsində Nigeriyada 20 min gənc və qadına rəqəmsal təhsil veriləcəyini deyib.
Proqramın nigeriyalılara məlumat elmi, süni intellekt, veb inkişafı və mobil proqramların inkişafı kimi müxtəlif sahələrdə təlimlər təqdim edəcəyini bildirən Murito, proqramın Nigeriya hökumətinə ölkədə 1 milyon rəqəmsal iş yeri yaratmağa kömək edəcəyini söylədi.
Vitse-prezident Şettima, Nigeriyanın böyük gənclər əhalisi üçün rəqəmsal məşğulluq sahələri yaratmağı planlaşdırdığını vurğulayıb.
