Gürcüstan prezidenti Mixail Kavelaşvili yerli özünüidarə seçkilərində səsvermədən sonra ABŞ prezidenti Donald Trampla görüşündən danışıb.
Busaat.az xəbər verir ki, o, ABŞ prezidenti ilə görüşün opponentlərin əksini iddia etməsinə baxmayaraq, baş tutduğunu vurğulayıb.
O, aydınlaşdırıb ki, söhbət zamanı Trampın telefon zəngini üçün əvvəlcədən razılıq olmayıb, lakin ABŞ prezidenti ölkələr arasında münasibətlərin yenilənməsi məsələsinə qayıtmağa söz verib.
Kavelaşvili səfərlə bağlı spekulyasiyalara son qoymağa çağırıb və öz mövqeyinin legitimliyini vurğulayıb.
“Amerikada gürcü xalqını kim təmsil edib? Trampla şam yeməyinə kim dəvət olunub? Tramp Gürcüstan prezidentini – adı ilə dəvət edib. Gürcüstan prezidenti Mixail Kavelaşvili qala-ziyafətə dəvət olunub – bu, reallıq və faktdır”, – Kavelaşvili bildirib.
Yeganə
