
Hər burun axması qrip deyil: həkim fərqi belə izah edir
Hava soyuyan kimi ətrafda hamı öskürür. Çoxumuz da özümüzə deyirik: yəqin qripim. Əslində isə çox vaxt belə olmur.
Türkiyəli infeksiya mütəxəssisi Aysel Kocagül Çelikbaş bildirir ki, qrip hesab edilən xəstəliklərin əksəriyyəti adi soyuqdəymədir. Fərqi belə izah edir: soyuqdəymədə bir az halsızlıq, baş ağrısı, burun axması və asqırıq olur. Qripdə isə yüksək hərarət, ciddi öskürək və yataqdan qalxmağı çətinləşdirən əzələ-oynaq ağrıları var. Həkimin sözü ilə, qrip daha ağır bir tablodur.
Peyvəndə gec deyil
Peyvənd üçün ən yaxşı vaxt sentyabrın sonu, oktyabrın əvvəlidir. Amma dekabrın sonuna kimi də vurmaq olar. Xüsusilə yaşlılar, xroniki ağciyər xəstələri, böyrək və qaraciyər çatışmazlığı olanlar, xərçəng müalicəsi alanlar və immuniteti zəif olanlar üçün peyvənd tövsiyə olunur.
Uşaqlar barədə
Xəstə uşaqların xəstəliyi yaymamaq üçün bir müddət məktəbə göndərilməməsi məsləhət görülür. Hijyen qaydalarına riayət, xəstənin istirahət etməsi və lazım olanda maska da yayılmanı azaldır.
Əlamətlər ağırdırsa və ya uzanırsa, özünüzə diaqnoz qoymayın, həkimə müraciət edin.























