Hər kəsin DİQQƏTİNƏ: Avqustun 1-dən...

Texnologiya nəhəngi “Microsoft” 2025-ci il avqustun 1-dən etibarən klassik parollardan imtina etdiyini rəsmən açıqlayıb.

Musavat.com xəbər verir ki, şirkətin yeni təhlükəsizlik siyasətinə əsasən, artıq “Microsoft” autentifikator tətbiqləri parolları yadda saxlamayacaq və ya avtomatik doldurmayacaq.

Yenilənmiş sistemə görə, istifadəçilər yalnız “giriş açarları” ilə sistemə daxil ola biləcəklər. Bu metodlar arasında “Face ID” (üz tanıma), barmaq izi skaneri və PIN kod kimi təhlükəsiz autentifikasiya üsulları yer alır.

“Microsoft” bu qərarı istifadəçi hesablarının təhlükəsizliyini artırmaq və parol əsaslı kibertəhlükəsizlik risklərini minimuma endirmək məqsədilə qəbul edib.

Qeyd olunur ki, giriş açarları həm daha sürətli, həm də daha çətin kənar müdaxiləyə məruz qalan sistemdir.
Ekspertlər bu addımı texnologiya sahəsində yeni təhlükəsizlik dövrünün başlanğıcı kimi qiymətləndirirlər.