Hollandiya PUA-ların istehsalına başlayacaq

“Pilotsuz uçuş aparatları (PUA) üçün ilk istehsal xətləri yaxın aylarda Hollandiyada fəaliyyətə başlayacaq”.

Busaat.az xəbər verir ki, bu barədə Hollandiyanın  müdafiə naziri Ruben Brekelmans “X” sosial media platformasında yazıb.

“VDL zavodunda biz rekord müddətdə müdafiə istehsalını gücləndiririk. İlk dron istehsal xətləri bir neçə ay ərzində işə düşəcək. Qarşıda daha da çox şey var”,-deyə o, yazıb.

Nazir vurğulayıb ki, layihə yeni iş yerləri yaradacaq, həm ölkənin təhlükəsizliyinə, həm də iqtisadiyyatına müsbət təsir göstərəcək.

Yeganə