İran Suriya ilə əlaqələri yeniləməyə tələsmir

“İran regional sabitliyi qorumaq üçün Suriyadakı hadisələri diqqətlə izləyir”.

Busaat.az xəbər verir ki, bu sözləri İran Xarici İşlər Nazirliyinin sözçüsü İsmayıl Bəqayi deyib.

XİN başçısı Tehranın Dəməşqlə əlaqələri yeniləməyə tələsmədiyini deyib.

İ.Bəqayi deyib ki, Suriyanın taleyini xarici müdaxilə və təzyiq olmadan öz vətəndaşları həll etməlidir.

O, regional sülh və təhlükəsizliyin Suriyadakı sabitliklə sıx bağlı olduğunu vurğulayıb. İkitərəfli əlaqələrdən danışan Bəqayi qeyd edib ki, Tehran bu məsələdə qərar qəbul etməyə tələsmir.

“Biz regionun bütün ölkələri ilə əlaqəyə açıq olsaq da və Suriyada sabitliyin bütün regionun təhlükəsizliyi üçün vacib olduğuna inansaq da, oradakı hadisələri yaxından izləməyə davam edirik”.

Baqayi əlavə edib ki, son nəticədə Suriya hakimiyyət orqanları regiondakı digər dövlətlərlə qarşılıqlı əlaqələrini necə idarə edəcəklərini özləri müəyyən etməlidirlər.

Yeganə