İranlı siyasi şərhçi və tədqiqatçı Salar Seyfəddini adlı şəxs Azərbaycana qarşı təxribat xarakterli hərəkəti ilə yadda qalıb.
Busaat.az istinadən xəbər verir ki, o öz tvitter hesabından İran paytaxtının küçələrindən birinə verilən Azərbaycanın Şuşa şəhərinin təhrif edilmiş “Şuşi” adının fotosunu “Shusi” həştəqi ilə paylaşıb.
Qeyd edək ki, əslən Təbrizdən olan S. Seyfəddini daim anti-Azərbaycan və anti-Türkiyə çıxışları və yazıları ilə gündəmə gəlib.
Ümumilikdə isə Azərbaycana qarşı qərəzli və əsassız təhlil yazıları ilə tanınan bu “siyasi şərhçi”nin İran-Azərbaycan əlaqələrinin yenicə normal məcraya düşdüyü bir vaxtda belə təxribat xarakterli paylaşımlara əl atması düşündürücüdür. (Bizim.Media)
