“İrəvandakı qarışıqlığı törədənlərin əsas məqsədi...” - ŞƏRH

“Bu günə qədər qabardılmayan mövzu niyə indi birdən-birə belə gündəm oldu? Görünür ki, hansısa mənbələr tərəfindən qəsdən ortaya atılan və Ermənistanda hazırki hakimiyyəti sarsıtmaq üçün atılan addımdır”.

Bunu Ermənistan-Azərbaycan arsında sülhün təmin olunması üçün keçirilən görüşlərdən sonra İrəvanda baş verən qarışıqlıq haqqında fikirlərini bölüşən politoloq Samir Hümbətov Busaat.az-a açıqlamasında deyib.

O bildirib ki, artıq uzun müddətdir Rusiya kəşfiyyatı Ermənistanda Paşinyan hakimiyyəti əleyhinə ciddi təbliğat fəaliyyətilə məşğuldur:

“Bu, göz ardı edilə bilməz. Bunu Paşinyan və onun xüsusi xidmət orqanları nümayəndələri də çox yaxşı başa düşür. Paşinyan son zamanlar Rusiya ilə bağlı açığlamalarında aqressiv fikirlər səsləndirir. Ölən əsgərin anasının İrəvanda gündəmə çevrilməsi təsadüfi hal deyil. 44 günlük müharibədə Ermənistanın çox sayda hərbçisi tələf oldu. Bu günə qədər qabardılmayan mövzu niyə indi birdən-birə belə gündəm oldu? Görünür ki, hansısa mərkəzlər tərəfindən qəsdən ortaya atılan və Ermənistanda hazırki hakimiyyəti sarsıtmaq üçün atılan addımdır”.

Ələsgər / Busaat.az