İspaniyanın Ankaradakı səfirliyi Qəzza üçün xeyriyyə aksiyası keçirəcək

İspaniyanın Ankaradakı səfirliyi tərəfindən Qəzza xalqına dəstək üçün oktyabrın 9-da İstanbulda aksiya keçiriləcək.

Busaat.az xəbər verir ki, İspaniyanın Ankaradakı səfirliyindən verilən yazılı açıqlamaya görə, səfirlik və İspaniyanın Muğla Fəxri Konsulluğu oktyabrın 9-da saat 20:00-da İstanbulda “Birlikdə Fələstin və Külək kimi Azad” adlı ənənəvi flamenko tamaşası ilə xeyriyyə tədbiri keçirəcək.

Tamaşadan əldə edilən bütün bilet gəlirləri Qəzzada baş verən faciəni işıqlandırmaq və həmrəyliyi gücləndirmək üçün Türk Qızıl Aypara Cəmiyyəti vasitəsilə birbaşa Qəzza xalqına bağışlanacaq.

AKM Teatr Salonunda keçiriləcək tədbirdə 13 müğənni və rəqqas tərəfindən ənənəvi flamenko şousu nümayiş olunacaq. Tamaşa flamenkonun mahiyyəti olan gitara, mahnı və rəqsə dərin hörmət və sevgini nümayiş etdirir.

Müxtəlif bölgələrdən və adət-ənənələrdən mahnı formalarını əks etdirən iki hissəli şou üçün biletləri onlayn əldə etmək olar.

Yeganə