"İsrail İrana dostluq əli uzatmağa hazır olacaq" - Tramp

ABŞ prezidenti Donald Tramp Knessetdə çıxışı zamanı bildirib ki, İsrail İrana dostluq əlini uzatmağa hazırdır.

Busaat.az xəbər verir ki, “Reuters” ABŞ liderinin sözlərindən sitat gətirir:

“Hətta İrana belə dostluq və əməkdaşlıq əli həmişə uzadılacaq.

Qəzza razılaşması yeni Yaxın Şərqin tarixi şəfəqi olacaq”,-deyə Tramp bildirib.

ABŞ prezidenti anklav sakinlərinə diqqətini iqtisadi inkişafa və sabitliyə yönəltməyi tövsiyə edib.

Xatırladaq ki, oktyabrın 10-na keçən gecə İsrailin baş naziri Benyamin Netanyahunun ofisi hökumətin bütün girovların azad edilməsi ilə bağlı sazişi təsdiqlədiyini açıqlayıb.

Oktyabrın 9-da ABŞ prezidenti Donald Tramp İsrail və Fələstin HƏMAS hərəkatının nümayəndələrinin Misirdəki danışıqlardan sonra sülh planının birinci fazası üzrə razılıq əldə etdiklərini açıqlayıb. O, bildirib ki, bu mərhələ bütün girovların azad edilməsini və İsrail qoşunlarının Qəzzada razılaşdırılmış xəttə çıxarılmasını nəzərdə tutur.

Yeganə