Beynəlxalq ictimaiyyət 2023-cü ilin sonunda müddəti başa çatacaq nüvə mərmilərinin çatdırılması üçün istifadə oluna bilən raketlərə qarşı BMT-nin embarqosunu əvəz etmək məqsədilə yeni mexanizm hazırlamalıdır.
Busaat.az Reuters-ə istinadən xəbər verir ki, bu barədə Münhen konfransında İsrailin müdafiə naziri Yoav Qalant məlumat verib.
Siyasətçi deyib ki, müzakirə mövzusu İranın nüvə silahı əldə etməsinə mane ola biləcək bütün mümkün vasitələr olmalıdır və beynəlxalq ictimaiyyət İranın qabaqcıl silah satışını dayandırmaq üçün tədbirlər görməlidir.
Yoav Galant deyib ki, hazırda İran ən azı 50 müxtəlif ölkəyə pilotsuz təyyarələr və yüksək dəqiqlikli silahlar da daxil olmaqla qabaqcıl silahların satışı üzrə danışıqlar aparır.
Bu bəyanat Bəhreyn və Birləşmiş Ərəb Əmirliklərinin nümayəndələrinin iştirakı ilə verilib.
